Index
Nuwe drankstandaarde
Restaurante, kroeë móét gratis water en kondome gee
Heléne Cilliers --- Pretoria. Maandag 09 Desember 2013 --- Gratis water en kondome
Dit is twee van die items wat restaurante, kroeë en ander drinkplekke aan klante sal moet
beskikbaar stel volgens die nasionale drankstandaarde.
Die standaarde is op 4 Desember deur die departement van handel en nywerheid in die
Staatskoerant gepubliseer, en kenners is onthuts oor sommige daarvan én die tydsberekening.
Leon Slotow, ’n prokureur wat in dranklisensie-wetgewing spesialiseer, sê dis baie onregverdig om
die kennisgewing te publiseer kort voordat baie mense met vakansie gaan omdat hulle dan nie tyd
het om kommentaar daarop te lewer nie. Die sperdatum is 4 Januarie.
Dit lyk volgens Slotow asof die departement die standaarde opsetlik probeer deurvoer as ’n middel
om voorwaardes op te dwing wat hy vroeër deur provinsiale wetgewing probeer opdwing het. Daar
was groot teenkanting daarteen, veral teen beperkte handelstye. “Dit kan ondernemings verlam,” sê hy.
Plekke met ’n dranklisensie, soos restaurante en kroeë, kan ook verplig word om ’n rookarea te hê.
Die lugversorging daarvoor kan tussen R200 000 en R1 miljoen kos, sê Slotow.
Verder moet drankwinkels rekord hou van enige verkope van 25 liter of meer: name, adresse, tipe
en hoeveelheid drank, pryse en redes daarvoor.
Dié drempel is heeltemal te laag, sê Slotow. “ ’n Mens kan maklik soveel drank koop net vir ’npartytjie.”
Dranklisensiehouers sal ’n oorspronklike belastingvrystellingsertifikaat van die Suid-Afrikaanse
Inkomstediens (SAID) saam met aansoeke om én met die hernuwing van dranklisensies moet
indien. Dit sal ’n onderneming wat sy lisensie wil laat hernieu, duur kos en indien daar ’n vertraging
is – selfs omdat die SAID die onderneming geld skuld – kan dit beteken dat hy sal moet sluit.
Slotow sê die departement behoort die standaarde te hersien en dit eers in die praktyk te toets.
Volgens die departement is die doel met die standaarde om duidelikheid te gee oor sekere kwessies
in die huidige wetgewende raamwerk en is dit daarop gemik om alle provinsiale en plaaslike
owerhede sover te kry om hul drankwetgewing en -praktyke in ooreenstemming te bring.
Ingevolge die huidige Drankwet van 2003 is provinsies nog onderhewig aan die Drankwet van 1989.
Met die publikasie van die jongste kennisgewing word provinsies in kennis gestel dat die ou wet teen
die einde van die 2013-’14- finansiële jaar in alle provinsies herroep moet word.
http://www.beeld.com/sake/2013-12-09-restaurante-kroe-mt-gratis-water-en-kondome-gee
Restaurante, kroeë móét gratis water en kondome gee
Heléne Cilliers --- Pretoria. Maandag 09 Desember 2013 --- Gratis water en kondome
Dit is twee van die items wat restaurante, kroeë en ander drinkplekke aan klante sal moet
beskikbaar stel volgens die nasionale drankstandaarde.
Die standaarde is op 4 Desember deur die departement van handel en nywerheid in die
Staatskoerant gepubliseer, en kenners is onthuts oor sommige daarvan én die tydsberekening.
Leon Slotow, ’n prokureur wat in dranklisensie-wetgewing spesialiseer, sê dis baie onregverdig om
die kennisgewing te publiseer kort voordat baie mense met vakansie gaan omdat hulle dan nie tyd
het om kommentaar daarop te lewer nie. Die sperdatum is 4 Januarie.
Dit lyk volgens Slotow asof die departement die standaarde opsetlik probeer deurvoer as ’n middel
om voorwaardes op te dwing wat hy vroeër deur provinsiale wetgewing probeer opdwing het. Daar
was groot teenkanting daarteen, veral teen beperkte handelstye. “Dit kan ondernemings verlam,” sê hy.
Plekke met ’n dranklisensie, soos restaurante en kroeë, kan ook verplig word om ’n rookarea te hê.
Die lugversorging daarvoor kan tussen R200 000 en R1 miljoen kos, sê Slotow.
Verder moet drankwinkels rekord hou van enige verkope van 25 liter of meer: name, adresse, tipe
en hoeveelheid drank, pryse en redes daarvoor.
Dié drempel is heeltemal te laag, sê Slotow. “ ’n Mens kan maklik soveel drank koop net vir ’npartytjie.”
Dranklisensiehouers sal ’n oorspronklike belastingvrystellingsertifikaat van die Suid-Afrikaanse
Inkomstediens (SAID) saam met aansoeke om én met die hernuwing van dranklisensies moet
indien. Dit sal ’n onderneming wat sy lisensie wil laat hernieu, duur kos en indien daar ’n vertraging
is – selfs omdat die SAID die onderneming geld skuld – kan dit beteken dat hy sal moet sluit.
Slotow sê die departement behoort die standaarde te hersien en dit eers in die praktyk te toets.
Volgens die departement is die doel met die standaarde om duidelikheid te gee oor sekere kwessies
in die huidige wetgewende raamwerk en is dit daarop gemik om alle provinsiale en plaaslike
owerhede sover te kry om hul drankwetgewing en -praktyke in ooreenstemming te bring.
Ingevolge die huidige Drankwet van 2003 is provinsies nog onderhewig aan die Drankwet van 1989.
Met die publikasie van die jongste kennisgewing word provinsies in kennis gestel dat die ou wet teen
die einde van die 2013-’14- finansiële jaar in alle provinsies herroep moet word.
http://www.beeld.com/sake/2013-12-09-restaurante-kroe-mt-gratis-water-en-kondome-gee
